2021-ci il noyabrın 2-də Xəzər Universitetində universitetin rəhbərliyi ilə “Azərsu” Açıq Səhmdar Cəmiyyətinin tərkibində fəaliyyət göstərən “Sukanal” Elmi-Tədqiqat və Layihə İnstitutu (“Sukanal” ETLİ) arasında görüş keçirilmişdir. Görüşdə Xəzər Universitetinin rektoru İradə Xəlilova, Təbiət elmləri və mühəndislik fakültəsinin dekanı Fəxrəndə Əlimərdanova, Təbiət elmləri, sənət və texnologiya yüksək təhsil fakültəsinin dekanı Səidə Şərifova, İqtisadiyyat və menecment fakültəsinin dekanı Ceyhun Məmmədov, “Sukanal” ETLİ-nin direktoru Vüqar Mirzəyev, direktor müavini Elnur Nəsirov iştirak etmişdir.

Görüşdə Xəzər Universitetinin tələbələrinin “Sukanal” ETLİ-də təlim və təcrübə proqramlarına cəlb olunması, yerli və beynəlxalq donor təşkilatların qrant müsabiqələrində birgə iştirakın və Xəzər Universiteti ilə “Sukanal” ETLİ arasında gələcək əməkdaşlığın təmin edilməsi məqsədilə memorandum imzalanması və buna əsasən əməkdaşlığın inkişafı, hazırda işğaldan azad edilmiş ərazilərdə ağır metallarla çirklənmiş yerüstü suların təmizlənməsi məqsədilə təcrübədən istifadə etməklə Nazirlər Kabinetinə və Ekologiya və Təbii Sərvətlər Nazirliyinə müraciət olunması və s. məsələlər müzakirə olunmuşdur.

Sonda qonaqlar Xəzər Universitetinin rəhbərliyinə səmimi qəbula görə minnətdarlıqlarını bildirmişlər.