2021-ci il oktyabrın 29-da Türkiyənin Boğaziçi Universitetinin rəhbərliyi – rektor professor Mehmet Naci İnci, prorektor Gürkan S. Kumbaroğlu və baş katib Nedim Malkoçu Xəzər Universitəsində rəsmi səfərdə oldular. Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı və rektor dosent İradə Xəlilova qonaqları səmimi salamlayaraq, onlara universitetin tarixi və fəaliyyəti haqqında məlumat verdilər. H.İsaxanlı bu günə kimi Türkiyə universitetləri ilə olan geniş əlaqələr haqqında danışdı. Humanitar, təhsil və sosial elmlər fakültəsinin dekanı Elza Səmədova Xəzər Universiteti haqqında geniş təqdimatla şıxış etdi. Təqdimatdan sonra qonaqların çoxsaylı sualları cavablandırıldı.

Rektorlar İradə Xəlilova və Mehmet Naci İnci Əməkdaşlıq Memorandumu imzaladılar. İ.Xəlilova M.Naci İnci`yə universitet adından hədiyyə təqdim etdi.

H.İsaxanlı, İ.Xəlilova və M.Naci İnci Türkiye Cümhiriyetinin quruluşunun 98-ci ildönümü şərəfinə hazırlanmış bayram tortunu birlikdə kəsdilər. M. Naci İnci universitet rəhbərliyinə dərin təşəkkürünü bildirərək, İstanbula - Boğaziçi Universitəsinə dəvət etdi.

Tədbirdə akademik işlər üzrə prorektor Məhəmməd Nuriyev, İdarərtmə və tələbə işləri üzrə prorektor İsaxan İsaxanlı, Təbiət elmləri və mühəndislik fakültəsinin dekanı Fəxrəndə Əlimərdanova, İqtisdaiyyat və menecment fakültəsinin dekanı Ceyhun Məmmədov, Təbiət elmləri, sənət və texnologiya yüksək təhsil fakültəsinin dekanı Səidə Şərifova, İctimai əlaqələr və media üzrə direktor Əlövsət Əmirbəyli və digər əməkdaşlar iştirak etdilər.