Xəzər Universiteti Tələbə Məclisinin təşkilatçılığı ilə 2021-ci il oktyabrın 20-də universitetdə “Zəfər Kuboku” uğrunda “Nə? Harada? Nə zaman?” intellektual oyunu üzrə bilik yarışı keçirilmişdir. Yarış İntellektual Oyunlar Klubu tərəfindəm münsiflər heyətinin nəzarəti altında tam şəffaf qaydada təşkil edilmişdi
Ümumilikdə 8 komandanın iştirak etdiyi yarış iki mərhələli olmaqla 24 sualdan ibarət olmuşdur. Qeydə alınmış ümumi nəticəyə əsasən bərabər xal toplamış “Veni Vidi Vici” və “Hello there” komandaları üçün əlavə sual səsləndirilmişdir. Bu suala düzgün cavab tapmağı bacaran “Veni Vidi Vici” rəqibini üstələyərək, 8 xalla yarışı üçüncü tamamlamışdır. 9 xala malik “Gryffindor” 2-ci yeri tutmuş, 13 xala malik “ABD” isə yarışı qalib kimi başa vurmuşdur.
Qalib komanda Xəzər Universitetini final mərhələsində təmsil etmək hüququ qazanıb.