2021-ci il oktyabrın 20-də Litvanın Azərbaycandakı səfiri Egidiyus Navikas Xəzər Universitetində olmuşdur. Universitetin nüfuzlu qonağının rektor, dosent İradə Xəlilova, Beynəlxalq əlaqələr üzrə prorektor Vlad Vernygora, İqtisadiyyat və menecment fakültəsinin dekanı dosent Ceyhun Məmmədov, Siyasi elmlər departamentinin müdiri, fəlsəfə doktoru Fərid Quliyev və Beynəlxalq Əlaqələr Ofisinin koordinatoru Rauf İsmayılov ilə görüşü olub.
Tərəflər Xəzər Universiteti ilə Litva təhsil müəssisələri arasında əməkdaşlığın genişləndirilməsi üçün bir sıra istiqamətləri müzakirə ediblər və bəzi təcili tədbirlərin görülməsi nəzərdə tutulub.
Səfər Egidiyus Navikas`ın “NATO və təhlükəsizlik araşdırmaları” kursu çərçivəsində Xəzər Universitetinin tələbələri üçün oxuduğu “Litvanın təhlükəsizlik və NATO-ya baxışı” adlı açıq mühazirəsi ilə başa çatıb.