2021-ci il oktyabrın 20-də Xəzər Universitetinin rəhbərliyi və əməkdaşları II Fəxri Xiyabanda universitetin magistr tələbəsi olmuş şəhid Cavid Həsənovun məzarını ziyarət etdilər, məzarı önünə əklil qoydular.

Həmin gün Gənclik Mərkəzində onun xatirəsinə həsr edilmiş Anım mərasimi keçirildi. Mərasimdə Xəzər Universitetinin rektoru İradə Xəlilova, İqtisadiyyat və menecment fakültəsinin dekanı Ceyhun Məmmədov, Təbiət Elmləri, Sənət və Texnologiya Yüksək Təhsil Fakültəsinin dekanı Səidə Şərifova, İctimai əlaqələr və media üzrə direktor Əlövsət Əmirbəyli, Psixologiya Mərkəzinin direktoru Mələk Kərimova, Fizika və elektronika departamentinin müdiri Fəridə Tatardar, İqtisadiyyat və menecment departamentinin koordinatoru Bahadur Baysal, Tələbə Məclisinin üzvləri və digərləri iştirak etdilər. Rektor İradə Xəlilova Anım mərasimində çıxış etdi.