2021-ci il oktyabrın 16-da Lökbatan qəsəbəsində Xəzər Universitetinin klinik psixologiya üzrə magistr tələbəsi olmuş Şəhid Ataməli Musaoğlunun xatirəsinə həsr edilmiş il mərasimi keçirildi. Həmin gün Xəzər Universitəsinin rektoru İradə Xəlilova, Mühəndislik və tətbiqi elmlər fakültəsinin dekanı Fəxrəndə Əlimərdanova, İctimai əlaqələr və media üzrə direktor Əlövsət Əmirbəyli, Psixologiya Mərkəzinin direktoru Mələk Kərimova, Psixologiya departamentinin müəllimi Ramin Allahverdiyev, Tələbə Məclisinin prezidenti Ramal Quluzadə və digərləri şəhidin məzarını ziyarət etdilər, mərasim salonunda keçirilən xatirə mərasimində iştirak etdilər.