2021-ci il oktyabrın 14-15-də İstanbul Aydın Universiteti tərəfindən “Türk cümhuriyyətlərinin müstəqilliyinin otuz ili” adlı beynəlxalq konfrans təşkil olundu.

İstanbul Aydın Universitetinin Tarix bölümü müdiri professor Abdulhaluk Mehmet Çay, Qazaxıstan El-Farabi Milli Universiteti Ümumi dillər və türkologiya bölümünün müəllimi dosent Oraz Sapaşev və digər elm adamları konfransda çıxış etdilər.

Xəzər Universitetinin Tarix və arxeologiya departamentinin müdiri dosent Telman Nüsrətoğlu Quliyev çıxışında Türk dünyasında müstəqillikdən sonra yaşanan hadisələr, türk dövlətlərinin inteqrasiyası və onların qarşısında duran problemlərlə əlaqədar mülahizələrini bildirdi.