2021 -ci il oktyabrın 12-də Xəzər Universiteti “Dünya” məktəbində British Council-ın Yaradıcı Komissiyalar Proqramı tərəfindən dəstəklənən arCc layihəsi çərşivəsində "İqlim Dəyişikliyinə Dair Məsuliyyət" adlı konfrans keçirildi. Konfrans Böyük Britaniyanın Azərbaycandakı səfiri Ceyms Şarp, British Council -ın Azərbaycandakı direktoru Francis Gardener Trejo və Middlesex Universitetinin professoru Dr. Georgious Dafoulas`ın iştirakı ilə təşkil olunmuşdu. Tədbiri Xəzər Universiteti İnkişaf Mərkəzinin direktoru Raziyə İsayeva açaraq, qonaqları iştirakçılara təqdim etdi. Səfir Ceyms Şarp İngiltərə hökumətinin iqlim dəyişikliyi ilə bağlı təşəbbüslərindən və problemlərin necə həll edildiyindən danışdı. Gardener Trejo British Council tərəfindən dəstəklənən proqramdan faktlar və nümunələrlə ətraflı bəhs etdi. Professor Georgious Dafoulas arCc layihəsinin başlaması, perspektivləri və fəaliyyətləri haqqında məlumat verdi. Konfransın ikinci yarısı “Dünya” IB məktəbi şagirdlərinin ünvanladığı suallar üzərində quruldu, iqlim dəyişikliyi problemləri ilə bağlı maraqlı müzakirələr aparıldı.

Konfransda “Dünya” Məktəbi və Xəzər Universitetinin şagird, tələbə və müəllimləri iştirak etdilər.