2021-ci il oktybrın 7-9-da dahi Azərbaycan mütəfəkkiri Nizami Gəncəvinin anadan olmasının 880 illik və İtaliyanın məşhur şairi Dante Aligyeri`nin 700 illik yubileyləri çərçivəsində onlayn formatda “Nizami və Dante: Mədəniyyətlərdə ortaq və fərqli məqamlar” adlı beynəlxalq elmi konfrans keçirildi. Tədbir Nizami Gəncəvi Beynəlxalq Mərkəzinin təşkilatçılığı, Azərbaycan Müqayisəli Ədəbiyyat Assosiasiyası, İtalyanşünaslar Assosiasiyası (ADI), Dante Qrupu, İtaliya Ədəbiyyat Nəzəriyyəsi və Müqayisəli Ədəbiyyat Tarixi Assosiasiyası (COMPALIT) və İtaliya Qələm Klubunun tərəfdaşlığı ilə baş tutdu.

Azərbaycan mədəni əlaqələrinin təzahüri olan bu konfransda elmi çıxışlarla yanaşı, İtaliya və Azərbaycan musiqiləri səsləndi. Azərbaycan musiqisi böyük bəstəkar Üzeyir Hacıbəylinin yaradıcılığı ilə, həmçinin çağdaş dövrə aid Nailəxanım İsayevanın mahnıları (sözləri: Hamlet İsaxanlı) ilə təmsil olundu.