Xəzər Universitetinin İnşaat mühəndisliyi departamentinin koordinatoru Rasim Bayramlı ilə AzFEN şirkətinin mütəxəssisləri Nilufər Alıyeva və Sərtac Öztürk arasında əldə olunmuş razılaşmaya görə 4-cü kurs tələbələri üçün Tekla Structures proqramı üzrə 6 həftəlik yay kursu təşkil olunmuşdu. Kurs mühəndislik və inşaat sahəsi ilə əlaqədar işlərdə dərəcə artırmaq, ixtisaslaşmaq və bu sahə üzrə fəaliyyət göstərən yerli və xarici şirkətlərdə karyera qurmaq istəyən mühəndislik sahəsi üzrə təhsil alan tələbələr üçün nəzərdə tutulurdu.
Kursu bitirən tələbələrdən imtahan götürülmüş və imtahanı müvəffəqiyyətlə vermiş tələbələrə 2021-ci il sentyabrın 17-də universitetin Təbiət elmləri və mühəndislik fakültəsinin dekanı Fəxrəndə Əlimərdanovanın iştıraki ilə sertifikat təqdim olunmuşdur.