2021-ci il iyulun 13-də Xəzər Universitetinin tərəfdaşı olduğu Erasmus+ ECAR layihəsi menecerlərinin Bakı Biznes Universitetində dəyirmi masa arxasında görüşü keçirildi. Bakı Biznes Universitetinin koordinatoru olduğu bu layihənin görüşündə Azərbaycan Turizm və Menecment Universiteti, Bakı Mühəndsilik Universiteti, Baki Ali Neft Məktəbi, Bakı Avrasiya Universiteti, Azərbaycan Dillər Universiteti, Lənkəran Dövlət Universiteti, Azərbaycan Mədəniyyət və İncəsənət Universiteti, Naxçıvan Universiteti, Azərbaycan Dövlət Pedaqoji Universiteti, Azərbaycan Texniki Universiteti, Azərbaycan Texnologiya Universiteti, Azərbaycan Universiteti və Odlar yurdu Universiteti olmaqla 15 tərəfdaş universitetin nümayəndələri iştirak edirdilər.
Bakı Biznes Universitetinin rektoru professor İbad Abbasov görüş iştirakçılarını salamlayaraq, layihənin ali təhsil müəssisələri üçün çox vacib olduğunu və layihə çərçivəsində yaradılacaq Rektorlar Konfransının ali təhsil müəssisələrinin gələcək fəaliyyətində çox faydalı olacağını qeyd etdi. Rektorun çıxışından sonra layihənin koordinatoru Gülşən Bayramova keçirilmiş sorğular haqqında qısa məlumat verdi və layihə çərçivəsində qarşıda duran məsələlər müzakirə olundu.
Xəzər Universitetini görüşdə Təlim və tədris mərkəzinin direktoru Ülkər Bayramova təmsil edirdi.
Qeyd edək ki, üç il davam edəcək layihnin əsas məqsədi Azərbaycan Rektorlar Konfransını yaratmaqla universitetlərin birgə fəaliyyətini daha da gücləndriməkdən ibarətdir.