2021-ci il iyulun 9-da Xəzər Universitetinin tərəfdaş olduğu PİCASP layihəsi çərçivəsində virtual görüş keçirilmişdir.Tədbirə Azərbaycandan Xəzər Universiteti İnkişaf Mərkəzinin, Miras cəmiyyətinin üzvləri, YOCOCU Assosiasiyasının üzvləri və layihənin tərəfdaş ölkələrindən nümayəndələr qoşulmuşdur.

Tədbirin əsas məqsədi “Azərbaycanda mədəni irsin bərpası və qorunması üzrə Avropa təcrübəsi – MİRAS & YOCOCU təcrübəsi” mövzusu ətrafında müzakirə aparmaq idi.

Görüş layihə koordinatoru olan Italiyanın Ud’A Universitetinin (Università degli Studi G. d’Annunzio di Chieti-Pescara) nümayəndəsinin və Mədəniyyət və Turizm Nazirliyinin əməkdaşı Məleykə Hüseynovanın iştirakçıları salamlaması ilə başladı. Bundan sonra YOCOCU Assosiasiyasının prezidenti Andrea Macchia MIRAS & YOCOCU təcrübəsi barədə danışdı.

Görüşdə Mədəniyyət Nazirliyi yanında Mədəni İrsin Qorunması, İnkişafı və Bərpası Dövlət Xidmətinin nümayəndəsi və Mədəniyyət Nazirliyinin Qoruq Müdirləri də iştirak etdilər.