2021-ci il iyulun 6-da Xəzər Universiteti Elmi şurasının növbəti iclası keçirildi.

İclası universitetin rektoru dosent İradə Xəlilova açaraq, əvvəlcə universitetin Asiya-Sakit okean və Afrika Araşdırmaları İnstitutunun yeni təyin olunmuş direktoru Vlad Verniqoru şura üzvlərinə təqdim etdi.

Şuranın sədri sonra gündəlikdəki məsələləri elmi şura üzvlərinin nəzərinə çatdırdı. Gündəlikdəki birinci məsələ ilə bağlı Təbiət elmləri və mühəndislik fakültəsinin dekanı Fəxrəndə Əlimərdanova, İqtisadiyyat və menecment fakültəsinin dekanı Ceyhun Məmmədov, Humanitar, təhsil və sosial elmlər fakültəsin dekanı Elza Səmədova və Təbiət elmləri, sənət və texnologiya yüksək təhsil fakültəsinin dekanı Səidə Şərifovanın təqdimatı əsasında universiteti bitirən məzunlar haqqında məlumatlar şura üzvlərinə təqdim edildi.

Gündəlikdəki magistratura tələbələrinin tezis mövzuları və elmi rəhbərlərinin təsdiqi ilə bağlı ikinci məsələ haqqında ətraflı məlumat şura üzvlərinin nəzərinə yüksək təhsil fakültələsinin dekanı tərəfindən çatdırıldı. Mövzular haqqında qısa məlumat verildi və müzakirələr aparıldı.

Doktorant və dissertantların dissertasiya mövzusu və elmi rəhbərlərinin təsdiqi ilə əlaqədar üçüncü məsələ də müzakirəyə yüksək təhsil fakültəsi tərəfindən təqdim edildi.

Daha sonra fəlsəfə doktoru imtahanlarının keçirilməsi üçün müvafiq ixtisaslar üzrə proqramların hazırlandığı və onların təsdiq olunması üçün Ali Attestasiya Komissiyasına göndərilməsi məsələsi müzakirə olundu.

Cari məsələlərdə pandemiya dövründə onlayn tədris zamanı qazanılmış təcrübələri nəzərə alaraq, növbəti semestr üçün onlayn dərslərin təşkili barədə təkliflərin hazırlanması məsələsi müzakirə olundu və departamentlərə müvafiq tapşırıqlar verildi.

Müzakirə olunan məsələlərlə bağlı müvafiq qərarlar qəbul edildi.