Xəzər Universitetinin arCc (İqlim dəyişikliyi üzrə öhdəliklər ətrafında təmərküzləşən) layihəsi çərçivəsində “İqlim dəyişikliyi şəraitində şəhər və kənd yerlərində sudan istifadə məsələləri” adlı ilk seminar 2021-ci il iyulun 7-də Xəzər Universiteti Coğrafiya və ətraf mühit departamentinin müdiri dosent Rövşən Abbasov tərəfindən keçirildi.
Seminarda layihədə 13 ölkəni təmsil edən 14 tərəfdaş nümayəndələri, İngiltərənin Middlesex Universitetinin professoru Dr. George Dafoulas və Xəzər Universiteti İnkişaf departamentinin əməkdaşları iştirak etdilər.
Seminar İnkişaf departamentinin direktoru Raziyə İsayevanın iştirakçıları salamlaması və layihə haqqında məlumat verməsi ilə başladı. Sonra o, iştirakçılara Rövşən Abbasovu təqdim edərək, sözü ona verdi. Seminar Rövşən Abbasovun çıxışı ilə davam etdi. Sonda o, iştirakçıların suallarını cavablandırdı.