2021-ci il iyulun 6-da “British Council” və London Metropolitan Universitetinin birgə səyi ilə keçirilən “Creative Spark Big Idea” müsabiqəsinin finalçılarının adları açıqlanıb: onların arasında Xəzər Universitetinin tələbələri də var.
“British Council” təşkilatının Azərbaycandakı nümayəndəliyindən bildirildiyinə gğrə, müsabiqə 18-35 yaş arasında olan gənclərə öz biznes ideyalarını irəli sürmələri və sahibkarlıq bacarıqlarını təkmilləşdirmələri üçün şərait yaradır. Xüsusilə də COVID-19 pandemiyasının bütün dünya iqtisadiyyatına təsir etdiyi dövrdə sözügedən təşəbbüs olduqca əhəmiyyətlidir. Bu il həm də yeni kateqoriya olan iqlim dəyişikliyi kateqoriyasında mükafatlandırma aparılacaq. Burada cəmiyyət diqqət mərkəzində olmaqla, yerli və milli səviyyədə, planetimizi və onun sərvətlərini qorumaq məqsədilə iqlim dəyişikliyinin ortaya çıxardığı problemlər və onların təsirlərini əhatə edən biznes fikirləri nümayiş etdirilir.
Finalçılar sahibkarlığın tədrisi və yaradıcı sahibkarlıq sahəsində yüksək təcrübəyə malik beynəlxalq və milli münsiflər heyəti tərəfindən seçilib. İctimaiyyət “Xalqın seçimi” mükafatının qalibini seçmək üçün iyulun 18-dək veb-səhifəsində səsvermədə iştirak edə bilər. Ötən il, demək olar ki, 100 000-dək insan “Xalqın seçimi” mükafatının qalibini müəyyənləşdirmək üçün səsvermədə iştirak edib və komandalara beynəlxalq arenada olduqca dəyərli şans qazandırıb.
Finalçılar arasında Xəzər Universitetindən“İqlim dəyişikliyi” kateqoriyası üzrə Rəşid Cəfərov,
“Sosial təsir” kateqoriyası üzrə Təravət Əsgərova, “Yaradıcı” kateqoriyası üzrə Əbdülcəlil Ömərov yer alıblar.
Xəzər Universiteti tələbələrini finala çıxdıqlarına və onlara kömək edən təşkilatçıarı xoş nəticələrə görə təbrik edir və finalda onlara uğurlar arzulayırıq.
Ted.az və digər saytlar bu barədə xəbər yayımlamışlar:
Copyright © Xəzər Universiteti, 2025
