2021-ci il iyulun 1-də Xəzər Universiteti rəhbərliyi ilə “Sumqayıt Kimya Sənaye Parkı” MMC rəhbərliyi arasında görüş keçirildi. Görüşdə Xəzər Universitetindən rektor, dosent İradə Xəlilova, Təbiət elmləri və mühəndislik fakültəsinin dekanı Dr. Fəxrəndə Əlimərdanova, Mexanika mühəndisliyi departamentinin müəllimi Dr. Mehdi Kiasatfar, Kimya və kimya mühəndisliyi departamentinin koordinatoru Dr. Rasoul Moradi və Kompüter elmləri departamentinin müəllimi, doktorant Behnam Kiani, “Sumqayıt Kimya Sənaye Parkı” MMC-dən şirkətin direktoru Elşad Nuriyev, direktor müavini Elxan Şiriyev, Tədqiqat və İnkişaf Mərkəzinin rəhbəri Yadullah Babayev, baş mütəxəssisi Ayaz Allahverdiyev və mütəxəssisi Xanım Rzayeva iştirak edirdilər.

Görüş qonaqların qarşılanması ilə başladı, “Sumqayıt Kimya Sənaye Parkı” MMC-nin fəaliyyəti haqqında təqdimatla davam etdi. Tərəflər universitet ilə müəssisə arasında birgə əməkdaşlığa dair müzakirələr apardılar.

Sonra görüş iştirakçıları “Sumqayıt Kimya Sənaye Parkı” MMC-nin rezidentlərindən biri olan Sumqayıt Texnologiyalar Parkı (STP) MMC-yə səfər etdilər. “STP” MMC-nin fəaliyyəti haqqında təqdimatdan sonra onlar Elektrik avadanlıqlarının istehsalı sahəsi və Polimer məmulatları zavodu ilə tanış oldular.

Görüşdə Xəzər Universiteti ilə Sumqayıt Texnologiyalar Parkı (STP) MMC arasında əməkdaşlıq haqqında imzalanmış memorandumun yenilənməsinə qərar verildi.