2021-ci il mayın 25-də Xəzər Universitetinin rektoru, dosent İradə Xəlilova Türkiyənin Qazi Universitetinin rektoru, professor Musa Yıldız`ın rəhbərlik etdiyi nümayəndə heyəti ilə Azərbaycanın aparıcı ali təhsil müəssisələrinin rektorları arasında “Türkiyə-Azərbaycan arasında təhsil əməkdaşlığı” mövzusunda təşkil olunmuş görüşdə iştirak etdi.
Görüşü giriş sözü ilə Təhsil nazirinin müavini Firudin Qurbanov açaraq, türkiyəli qonaqları və Azərbaycanın aparıcı 5 universitetinin rektorlarını salamladı. O, son illər Türkiyə-Azərbaycan universitetləri arasında yaradılmış əlaqələrdən danışdı.
Sonda Qazi Universiteti ilə Xəzər Universiteti arasında protokol imzalandı. Protokolu Qazi Universitetinin rektoru professor Musa Yıldız və Xəzər Universitetinin rektoru dosent İradə Xəlilova imzaladılar.