2021-ci il iyunun 29-da Nizami Gəncəvi adına Milli Azərbaycan Ədəbiyyatı muzeyində fəaliyyət göstərən Ali Attestasiya Komissiyası tərəfindən təsdiq olunmuş D 1.31-qeydiyyat nömrəli Dissertasiya şurasında filologiya elm sahəsi üzrə 5716.01 – Azərbaycan ədəbiyyatı ixtisasında Xəzər Universitetinin doktorantı Mədinə Karahanın “Əhməd Ağaoğlu yaradıcılığı Türkiyə ədəbi, ictimai-siyasi həyatında” mövzusunda yazdığı fəlsəfə doktoru elmi dərəcəsi almaq üçün dissertasiya işinin müdafiəsi keçirildi. Dissertasiya şurasının sədri akademik Rafael Hüseynovun, birinci rəsmi opponent, Türkiyəninin Ege universitetinin professoru, türk dünyasının tanınmış alimlərindən Ali Yavuz Akpınarın, ikinci rəsmi opponent, Bakı Dövlət Universitetinin Dünya ədəbiyyatı kafedrasının müdiri, filologiya elmləri doktoru, professor Cəlil Nağıyevin, üçüncü rəsmi opponent, AMEA Nizami Gəncəvi adına Ədəbiyyat İnstitutunun Yeni dövr Azərbaycan Ədəbiyyatı şöbəsinin aparıcı elmi işçisi, filologiya üzrə fəlsəfə doktoru, dosent Şahbaz Musayevin, görkəmli türkoloq alim, filologiya elmləri doktoru, professor Tofiq Məliklinin, filologiya elmləri doktoru, professor Vaqif Sultanlının iştirakı ilə hibrid formatda keçirilən müdafiə prosesinə Moskvadan, Rusiya Federasiyasındakı Azərbaycan səfirliyinin əməkdaşı, Əhməd bəy Ağaoğlunun qohumu Nigar Axundova da qoşulmuşdu.

İddiaçının təqdimatından sonra rəsmi opponentlərin çıxıçları dinlənildi, müzakirələr aparıldı.

Şura üzlərinin yekdil rəyi ilə dissertasiya işini Azərbaycan Respublikasıın Prezidenti yanında Ali Attestasiya Komissiyasına təqdim etmək qərara alındı.

Azpress.az saytında Rafael Hüseynin müdafiədən kiçik yazısı dərc olunmuşdur:

https://azpress.az/index.php?lang=az&sectionid=news&id=110952