"Azərbaycan Respublikasının Prezidenti yanında Elmin Inkişafı fondunun” Elm-Təhsil-Sənaye” məqsədli qrantını qazanmış “Qarabağ və Dilbaz at cinslərinin genom profilinin tədqiqi: Genetik markerlərin, allel variasiyalarının aşkar edilməsi və seleksiyada istifadəsi” layihəsinin Xəzər Universiteti, Azərbaycan Baytarlıq Elmi Tədqiqat İnstitutu, Qarabağ Atçılıq və Dilbaz Atşılıq kompleksləri tərəfindən birgə tədqiqat işləri davam etdirilir.
Layihə çərçivəsində iyun ayında Qarabağ və Dilbaz atlarının fenotipik uyğun olan fərdlərinin Qarabağ Atçılıq və Dilbaz Atçılıq Komplekslərində seçilməsi və məlumatların qurulmuş elektron məlumat bazasına daxil edilməsi həyata keçirilib. Bu mərhələdə atların bonitirovkası həyata keçirilmiş və Qarabağ və Dilbaz at cinslərinin genom profilinin tədqiqi üçün hər iki cinsin hərəsindən bir fərd seçilərək, qeydiyyata götürülmüşdür. Məlumatların daxil edilməsi üçün elektron məlumat bazası qurulmuşdur. Növbəti mərhələdə elektron çipi olmayan fərdlərin çiplənməsi həyata keçiriləcəkdir.