2021-ci il iyunun 16-da Xəzər Universitetinin İngilis dili və ədəbiyyatı departamentinin magistr tələbələri - Sonası Vəliyeva “Covid-19 diskursunda qorxu strategiyalarının tədqiqi” (An investigation of intimidation strategies in Covid19 discourse), Nigar Hüseynova “Restoran və mehmanxana reklamlarının dilində təhrikedici texnikaların tənqidi mətn təhlili” (The Critical Discourse Analysis in the Persuasive Language of Hotel Advertisements), Səbinə Şərifova “Monodilli Brok afaziyalı azərbaycanlıların nitqində qrammatik qüsurların təzahürü” (The manifestation of grammatical deficit in the speech of Azerbaijani monolingual Broca’s aphasics), Fidan İsbarova “Çoxmənalılığa əsaslanan yumorun qavranılmasında metalinqvistik şüurun rolu” (Role of Metalinguistic Awareness in Ambiguity-based Humour Comprehension) və Tamella Məmmədova “Covid-19 dövründə Azərbaycan və ingilis dillərində işlədilən üslubi fiqurların müqayisəli təhlili” (A comparative study of stylistic devices used during Covid19 in English and Azerbaijani languages in Media Discourse) mövzularında elmi işlərini dilşünaslıq ixtisası üzrə magistr dərəcəsi almaq üçün distant qaydada ilkin müzakirədə təqdim etdilər. Onların elmi işlərinin növbəti mərhələyə buraxılması qərara alındı.
Müzakirədə departamentin müdiri Dr. Bahman Amani, tədqiqat işləri üzrə koordinatoru Milana Abbasova, departamentin müəllimləri İlham Tağıyev, Dr. Davud Kuhi və magistr tələbələr iştirak etdilər.