2021-ci il iyunun 8-də Xəzər Universitetinin rektoru dosent İradə Xəlilova UFAZ (Azərbaycan-Fransız Universiteti) rəhbərliyi, direktor Vazeh Əsgərov, baş katib Yelizaveta Bydanova və Tədqiqat şöbəsinin müdiri professor Philippe Turek, həmçinin UFAZ əməkdaşları Elşən Abdullayev və Fidan Abdullazadə ilə birlikdə UFAZ-ın laboratoriya korpusunu ziyarət etdi.
İradə Xəlilova UFAZ-ın beynəlxalq standartlara tam uyğun şəkildə təchiz olunmuş geniş laboratoriyalarının və infrastrukturunun təhsil və tədqiqat imkanları ilə tanış olaraq, onları yüksək qiymətləndirdi.
Sonra UFAZ və Xəzər Universitetinin gənc tədqiqatçıları ilə əməkdaşlıq şərtləri, həmçinin tədqiqat imkanları, birgə layihələr, müəllim mübadiləsi, hər iki universitetin laboratoriya təchizatından istifadə və s. sahələrdə əməkdaşlıq məsələləri müzakirə edildi.