2021-ci il iyunun 2-də teleqraf.com xəbər portalı ölkənin bir neçə ali təhsil müəssisəsinin rəhbərlərinə “universitetlər əyani tədrisə hazırlaşırmı” sorğusu ilə müraciət etmişdir.
Xəzər Universitetinin İdarəetmə və tələbə işləri üzrə prorektoru İsaxan İsaxanlı sorğunu cavablandıraraq demişdir: “Hər bir ali məktəb istəyir ki, dərslər əvvəlki qaydada bərpa edilsin. Bu, qarşıdakı 3 ayda epidemioloji vəziyyətin gedişatından asılıdır. Əgər belə davam edərsə, düşünürük ki, sentyabrdan ənənəvi tədris bərpa olunacaq. Hazırda ötən mövsümdə olduğu kimi, imtahanlar davam edir, qiymətləndirmə standart qaydada aparılır. Təbii ki, pandemiya şəraitinə görə, çalışırıq ki, tələbələrin xeyrinə qərarlar verək”.