2021-ci mayın 21-də Xəzər Universiteti Middlesex Universiteti (İngiltərə) ilə birlikdə British Council tərəfindən maliyyələşən Creative Spark layihəsi çərçivəsində növbəti vebinar təşkil etdi. “Sahibkarlıqda qadınlar - çətinliklər və imkanlar” adı altında keçirilən seminarın qonaq natiqi “Zuleykha Magazine və Zuleykha Accessories” şirkətinin təsisçisi və direktoru Lalə Mirzəyeva idi. Tədbir Xəzər Universiteti İnkişaf Mərkəzinin layihə meneceri Səbina Quluyevanın giriş sözü ilə başladı. O, Creative Spark layihəsi çərçivəsində keçirilən silsilə seminarlar haqqında danışdı və tədbirin qonağını iştirakçılara təqdim etdi.
Xəzər Universitetinin rektoru dosent İradə Xəlilova tədbir iştirakçılarını salamladı. O, keçirilən seminarların tələbələr üçün önəmindən bəhs etdi.
Sonra Lalə Mirzəyeva öz təhsil və karyera yolu, bu yolda qarşılaşdığı çətinliklər və motivasiyası haqqında danışdı.
Sonda Lalə Mirzayeva ona ünvanlanan sualları cavablandıraraq, öz təcrübəsini tələbələrlə bölüşdü.
Tədbirdə Xəzər Universitetinin tələbə və əməkdaşları iştirak edirdilər.