2021-ci il mayın 20-də Xəzər Universiteti İnkişaf Mərkəzi və İqtisadiyyat və menecment fakültəsinin təşkilatçılığı ilə universitetin tərəfdaş olduğu Erasmus+ PICASP layihəsi çəçrivəsində “Muzeylər mədəni turizmin əsas istiqaməti kimi” adlı virtual seminar keçirilmişdir. Tədbirin keçirilməsində əsas məqsəd muzeylərin mədəni turizmin inkişafında rolu və bu sahənin inkişaf etdirilməsini iştirakçıların diqqətinə çatdırmaq olmuşdur.

Seminarı Xəzər Universiteti İqtisadiyat və menecment fakültəsinin koordinatoru Asəm Məmmədov açaraq, layihə çərçivəsində keçirilmiş əvvəlki seminarın faydaları və hazırda keçirilən seminarın mövzusu haqqında məlumat verdi.

Sonra söz qonaq natiq qismində çıxış edən Azərbaycan Turizm və Menecment Universitetinin əməkdaşı, professor Minaxanım Əsədliyə verildi. Professor Əsədli muzeylərin funksiyaları, mədəni turizmdə yeri və rolu haqqında tədbir iştirakçılarına geniş məlumat verdi. İnteraktiv keçən tədbir çox böyük maraqla qarşılandı və iştirkaçılar natiqə çoxlu suallar ünvanladı.

Tədbirə Xəzər Universitetinin, Azərbaycan Turizm və Menecment Universitetinin tələbələri və əməkdaşları, həmçinin Miras Assosasiyasının üzvləri qoşulmuşdu.