Xəzər Universitetinin Həyat elmləri departamentinin rəhbəri Aqrar üzrə fəlsəfə doktoru Ömərov Asəf Məmməd oğlunun “Baytarlıq epidemiologiyasının əsasları” adlı dərs vəsaiti “Müəllim nəşriyyatı”nda çap olunmuşdur.

“Baytarlıq Epidemiologiyasının əsasları” adlı dərs vəsaiti baytarlıq epidemiologiyasının tarixi, epidemiologiyanın əsas anlayışları, onun obyektləri, xəstəliklərə yeni nəzarət strategiyaları, heyvan rifahı, milli və beynəlxalq hesabatlılıq, fərziyyələrin qəbulu üsulları, xəstəliklərin səbəbi, assosiasiyalar və onların növləri, xəstəliklərin baş verməsinin təsviri, xəstəliklərin determinantları, xəstəliklər zamanı ölçmələr və onun kəmiyyət tərəfdən ifadə olunması - yayılma (prevalentlik), insidentlik, onlar arasındakı əlaqə, ölüm və sağlamlıq göstəriciləri, letalıq, diaqnostik reaksiyalar və onların təhlili haqqında mövcud olan nəzəri və tətbiqi məlumatlar əsasında tərtib olunmuşdur.

Dərs vəsaitindən universitetlərin baytarlıq ixtisası üzrə təhsil alan bakalavriat tələbələri, baytarlıq kolleci tələbələri, baytarlıq sahəsində tədqiqat aparan mütəxəssislər və praktik baytar həkimləri istifadə edə bilərlər.