2021-ci il aprelin 30-da Xəzər Universiteti Təlim və Tədris Mərkəzinin təşkilatçılığı ilə növbəti virtual tədqiqat seminarı keçirilmişdir. Magistr, doktorant tələbələr, akademik heyət və tədqiqatçılar üçün nəzərdə tutulmuş seminarda Azərbaycan Dillər Universiteti Xarici Dillər departamentinin əməkdaşı Dr. İozefina Blazsani-Batto “Müəllim etikası və ya peşəkar müəllim olmaq nə deməkdir” adlı təqdimatla çıxış etmişdir.

Dr. Blazsani-Batto ölkələrarası müəllim etikası və peşəkar müəllim olmaq üçün vacib olan faktorlar haqqında iştirakçılara məlumat verdi. Spiker qyed etmişdir ki, tələbələrin akademik ehtiyaclarına cavab verən cəlbedici dərslər hazırlamaqla yanaşı, müəllimin həm də yaxşı mühakimə yürütməsi və peşəkar bir şəkildə tələbələrlə etik münasibət qurması lazımdır. Müəllimlər tələbələrlə qurduqları qarşılıqlı ünsiyyətin həmişə tələbələrin və müəllimin özünün peşə maraqlarına uyğun olmasına diqqət yetirməlidirlər.

Təqdimatı maraqla qrşılayan iştirakçılar sonda Dr. Blazsani-Battoya mövzu ilə bağlı suallar ünvanladılar.

Qeyd edək ki, tədbirə Xəzər Universitetinin tələbə və əmakdaşları ilə yanaşı, Azərbaycanın digər universitetlərindən, eləcə də Türkiyə və Çexiyadan da iştirakçılar qoşulmuşdular.