2021-ci il aprelin 21-də Qazaxıstanın Beynəlxalq Biznes Universitetinin təşkilatçılığı ilə Erasmus + PICASP layihəsi çərçivəsində “Mədəni irs turizmində peşəkar bacarıqların inkişaf etdirilməsi” mövzusunda regioanl sahibkarlar və assosasiyalar ilə virtual dəyirmi masa keçirilmişdir.
Görüşdə layihə tərəfdaşı olan Qazaxıstan universitetlərinin nümayəndələri, Qazax Turizm Assosiasiyasının, Türküstan mərkəzinin nümayəndələri təqdimatlarla çıxış edərək, ölkədə olan mədəni turizm imkanları haqqında iştirakçalara geniş məlumat vermislər. Həmçinin, layihə çərçivəsində tərəfdaş universitetlərin bu imkanlardan necə yararlana biləcəyi məsələləri də müzakirə mövzusu olmuşdur.
PICASP layihəsinin koordinatoru Prof. Massimo Bianchi vacib görüş üçün təşkilatçılara təşəkkürünü bildirmiş və belə bir görüşün layihənin gələcək işlərində əməkdaşlığa verdiyi töhfələrdən faydalanmağı tövsiyə etmişdir.
Layihənin virtual görüşündə Xəzər Universitetini İqtisadiyyat və menecment fakültəsinin dekanı Dr. Jeyhun Məmmədov, Təlim və Tədris Mərkəzinin direktoru Ülkər Bayramova və İnkişaf Mərkəzinin layihə meneceri Səbinə Quluyeva təmsil etmişlər.