2021-ci il aprelin 21-də dünyanın ən nüfuzlu reytinq təşkilatlarından biri olan "Times Higher Education" (THE) 2021-ci il üçün BMT-nin “Dayanıqlı İnkişaf Məqsədləri”nə əsaslanan, sosial və iqtisadi töhfələrinə görə fərqlənən ən yaxşı dünya universitetlərini müəyyən edərək, “THE University Impact Rankings 2021” reytinq cədvəlini açıqlayıb. Reytinqin 3-cü nəşrinə 94 ölkədən 1115 universitet daxil edilmişdir.

Xəzər Universiteti sözügedən reytinqdə 401-600 aralığında qərarlaşaraq, Azərbaycandan bütün sahələr üzrə ən yüksək nəticə göstərən universitetdir.

Xəzər Universiteti Təhsilin keyfiyyəti üzrə 101-200 aralığında yer tutaraq, öz təhsilinin keyfiyyətini təsdiqlədi. Beləliklə, Xəzər Universiteti sahələrin 1-i üzrə 101-200 yerdə, 2-si üzrə 201-300 yerdə, 4-ü üzrə 301-400 yerdə, 1-i üzrə 301+ yerdə, 3-ü üzrə 401+ yerdə, 5-i üzrə isə 401-600 yerdə qərarlaşmışdır.

Reytinqlə tanışlıq üçün bu linkdən istifadə etmək olar:

https://www.timeshighereducation.com/impactrankings#!/page/0/
length/25/sort_by/rank/sort_order/asc/cols/undefined