Xəzər Universiteti Təlim və Tədris Mərkəzi və həmçinin Fəlsəfə və siyasi elmlər departamentinin təşkilatçılığı ilə 2021-ci il aprelin 2-də magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçirilmişdir. Təqdimat Azərbaycan Dillər Universiteti Xarici dillər departamentinin əməkdaşı Dr. İozefina Blazsani-Batto tərəfindən “Rumın dilinin Bakıda tədrisi mədəni diplomatiyanın nümunəsi kimi” mövzusunda olmuşdur.

Dr. Blazsani-Batto ölkələrarası mədəni diplomatiya, onun necə həyata keçirilməsi, həmçinin, Azərbaycan Dillər Universitetində yaradılmış Rumın dili və Mədəniyyəti Mərkəzinin gördüyü işlər, sərgilər, həyata keçirilmiş layihələr və mübadilə proqramları haqqında iştirakçılara geniş məlumat verdi. Təqdimatın sonunda iştirakçılar Dr. Blazsani-Batto`ya mövzu ilə bağlı suallar ünvanladılar.

Qeyd edək ki, tədbirə Xəzər Universitetinin tələbə və əmakdaşları ilə yanaşı, Azərbaycanın digər universitetlərindən, eləcə də Türkiyə, Ruminaya, Çexiya və Moldovadan da iştirakçılar qoşulmuşdular.