Xəzər Universiteti Təlim və Tədris Mərkəzinin təşkilatçılığı ilə 2021-ci il martın 31-də magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçirilmişdir. Seminar Valencia Politexnik Universitetinin (Polytechnic University of Valencia-UPV) əməkdaşı Dr. Jose Migel Carot`un təqdimatında “Proqramların akkreditasiyasi: universitetlərin dəyişilməsi üçün imkan” mövzusunda olmuşdur.

Dr. Carot universitetlərdə keyfiyyətin təminatı və universitetlərin akkreditasiyası ilə bağlı mühüm məsələlərə toxunmuş, universitetlərdə bu işlərin görülməsi üçün vacib olan məqamlardan söhbət açmışdır.

Seminara Xəzər Universitetinin əməkdaşları və tələbələri ilə yanaşı, digər yerli universitetlərin də əməkdaşları qatılmışlar.

Tədbir iştirakçıların suallarının cavablandırılması və müzakirələrlə bitmişdir.