2021-ci il martın 17-də British Council`un təşkilatçılığı ilə Creative Spark layihəsi çərçivəsində görüş keçirildi.Görüşün əsas məqsədi Creative Spark Proqramı çərçivəsində universitet və sənaye arasındakı əlaqələrin necə inkişaf etdiriləcəyini, dövlətin universitet sənayesini inkişaf etdirməyə necə kömək edə biləcəyini müzakirə etmək idi.

Görüşdə Azərbaycanın universitetlərindən nümayəndələrlə yanaşı, İngiltərənin Kent Universiteti (Kent University), Newcastle Universiteti (Newcastle Universitety) London Middlesex Universiteti (Middlesex Universitety London), Azercell Telekom MMC-nin Barama İnnovasiyalar və Sahibkarlıq Mərkəzi, BP Azərbaycan, Azərbaycan Respublikası İqtisadi İslahatların Təhlili və Kommunikasiyalar Mərkəzinin əməkdaşları çıxış etdilər.

Tədbir British Council`un Regional direktoru Summer Xia`nın çıxışı ilə başladı. Sonra söz Creative Spark`ın Cənubi Qafqaz Regional Proqram meneceri Hande Dicker`ə və Azərbaycan Respublikası Mədəniyyət Nazirliyinin nümayəndəsi Ramil Abbəkirova verildi.

Görüşün növbəti mərhələsində layihənin İngiltərə və Azərbaycandan olan tərəfdaşlarına söz verildi. Xəzər Universiteti İnkişaf Mərkəzinin direktoru Raziyə İsayeva Middlesex Universitetinin professoru George Dafoulas ilə birgə təqdimatla çıxış etdi. Raziyə İsayeva inkişaf etməkdə olan ölkələrdə universitet-sənaye əməkdaşlığının dinamikasından və bu zaman yaranan maneələr, onların həll yolundan danışdı.

Tədbir yekun qeydlərin xülasəsi ilə başa çatdı.