2021-ci il fevralın 23-də Xəzər Universiteti Middlesex Universiteti (İngiltərə) ilə birlikdə British Council tərəfindən maliyyələşən Creative Spark layihəsi çərçivəsində 3-cü silsilə vebinar təşkil etdi. “Sahibkarlıqda qadınlar - çətinliklər və imkanlar” adı altında keçirilən virtual seminarın növbəti qonaq natiqi Aygün Gardiner oldu.

Qeyd edək ki, Aygün Gardiner İngiltərədə fəaliyyət göstərən Diverse School Travel kompaniyasının təsisçisi və direktoru, eyni zamanda Educational Travel şirkətinin mütəxəssisidir.

Tədbir Xəzər Universiteti İnkişaf Mərkəzinin direktoru Raziyə İsayevanın giriş sözü ilə başladı. O, Creative Spark layihəsi çərçivəsində keçirilən silsilə seminarların məqsəd və önəmindən danışdı. Sonra Aygün Gardiner təqdimatla çıxış edərək, uğurlu karyera yolundan və bu yolda qarşılaşdığı çətinliklərdən bəhs etdi, uğurlu sahibkar olmaq üçün nələrə diqqət yetiməli, düzgün sahəni necə seçməli mövzusunda öz təcrübəsini bölüşdü.

Daha sonra söz Middlesex Universitetinin professoru George Dafoulosa verildi. O, keçirilən seminarların faydasını vurğuladı və Xəzər Universitetinə təşəkkürünü bildirdi.

Sonda Aygün Gardiner ona ünvanlanan sualları cavablandırdı.

Seminarda Xəzər Universitetinin tələbə və əməkdaşları ilə yanaşı, İngiltərənin Middlesex Universitetinin, Gəncə Dövlət Universitetinin və Sumqayıt Dövlət Universitetinin tələbələri və nümayəndələri iştirak edirdilər.