2021-ci il fevralın 9-da Xəzər Universitetinin rektoru İradə Xəlilova İran İslam Respublikasının Azərbaycandakı Səfirliyinin Mədəniyyət Mərkəzinin yeni təyin edilmiş sədri Q. Əli Purmərcan`ı qəbul etdi. Universitetin İctimai əlaqələr və media üzrə direktoru Əlövsət Əmirbəylinin də iştirak etdiyi görüş zamanı Q. Əli Purmərcan özünü təqdim etdi və mədəniyyət sahəsində bundan sonra görüləcək işlər haqqında danışdı.

İ.Xəlilova qonağa Mədəniyyət Mərkəzi ilə görülmüş işlər haqqında geniş məlumat verdi və gələcək əlaqələrin inkişaf etdirilməsinin vacibliyini vurğuladı. Q. Əli Purmərcan İran Mədəniyyət Mərkəzinin dəstəyi ilə hazırlanmış və yeni çapdan çıxmış Ə. Firdovsinin ikicildlik “Şahnamə” əsərini İ. Xəlilovaya təqdim etdi. Rektor qiymətli hədiyyə üçün qonağa təşəkkürünü bildirdi.

Q. Əli Purməcan Xəzər Universitəsində fəaliyyət göstərən Mövlana Ədəbi Fəlsəfi Araşdırmalar Mərkəzi (MƏFAM) ilə də tanış oldu.