2020-ci il dekabrın 18-də Xəzər Universitetinin Psixologiya departamentinin müəllimi və doktorantı Nilufər Əlizadənin təşkilatçılığı ilə Təbriz Universitetinin dosenti Rasoul Hashmati departamentin tələbələri üçün “Fərqindəlik əsaslı araşdırmalar” (“Mindfulness Based İnterventions”) adlı seminar keçirmişdir.

Seminarda fərqindəliyin nə olduğu, insanlarda fərqindəlik səviyyəsinin aşağı olmasının yaratdığı psixoloji problemlər, enerji psixologiyası və gündəlik tətbiq oluna bilən fərqindəlik texnikaları haqqında ətraflı məlumat verilmişdir. Seminar zamanı pandemiya müddətində insanların sosial izolyasiya tədbirlərinə görə yarana biləcək əlavə stres hallarının qarşısının alınması üçün yanaşmalar və praktik metodlardan bəhs edilmişdir.

Qeyd edək ki, seminar Xəzər Universitetinin tələbələri ilə yanaşı BDU və Qərbi Kaspi Universiteti tələbələrinin də ilə iştirakı ilə keçirilmişdir.