2020-ci il dekabrın 2-də Xəzər Universitetinin Psixologiya departamentinin müəllimi və doktorantı Nilufər Əlizadənin təçkilatçılığı ilə psixologiyada testlərin yaradılması və tərtibi üzrə mütəxəssis olan Prof.Dr. Adnan Kan “Psixoloji testlərin standartlaşdırılması” mövzusunda onlayn seminar keçirmişdir. Qeyd edək ki, Prof.Dr. Adnan Kan Gazi Universitetinin (Türkiyə) Ölçmə ve Dəyərləndirmə Mərkəzinin koordinatorudur, Tələbə Seçmə ve Yerləşdirmə Mərkəzi (ÖSYM), Yunus Əmrə İnstitutu, Milli Təhsil Nazirliyi kimi qurumlarda mütəxəssis və rəyçi olaraq fəaliyyət göstərir.

60-dan çox iştirakçı ilə həyata keçirilən seminarda Xəzər Univerersitetinin tələbələri ilə yanaşı, digər universitet tələbələri və psixoloqlar da var idi. Prof.Dr. Adnan Kan çıxışından sonra testlərin Azərbaycanda tətbiqində ortaya çıxa biləcək problemlərlə bağlı iştirakçıların suallarını cavablandıraraq, həll yolları təklif etmişdir. İştirakçılar Xəzər Universitetinin Psixologiya departamentinin ənənə halını alan bu seminarları yüksək qiymətləndirdiklərini bildirmişlər.