2020-ci il noyabrın 30-da Xəzər Universiteti İnkişaf Mərkəzi universitetin tərəfdaş olduğu UniLab layihəsi çərçivəsində Fokus Qrup Müzakirəsi təşkil etmişdir. Fokus Qrup Müzakirəsinin əsas mövzusu universitet-biznes əməkdaşlığının genişləndirilməsi, tələbələrin təcrübə proqramlarının təşkili və maraqlı tərəflərin ehtiyaclarına uyğun olaraq universitet kurikulumlarının yenidən hazırlanması idi.

MS TEAMS proqramı vasitəsilə baş tutan tədbir İnkişaf Mərkəzinin rəhbəri Raziyə İsayevanın salamlaması ilə başladı. O, UniLab layihəsi, onun məqsədləri və tərəfdaşları haqqında ətraflı məlumat verdi.

Görüşdə Xəzər Universitetinin əməkdaşları ilə yanaşı, Azərbaycan Respublikasının Mərkəzi Bankı, Kapital Bank, Beynəlxalq Bank, Baktelekom, Nokia Azərbaycan, SOCAR, Airspan Networks, Fireworks şirkətlərinin nümayəndələri iştirak etmişdir. Görüşdə həmçinin Xəzər Universitetinin bir sıra tələbələri də iştirak etmişlər.

Tədbirdə işəgötürənlərin təcrübə keçən tələbələrdən gözləntiləri, tələbələrin təcrübə proqramından gözləntiləri, universitetlərin, şirkətlərin yarada biləcəyi imkanlar və s.mövzular geniş müzakirə olunmuşdur. Müzakirələr əsnasında maraqlı təkliflər, yanaşmalar səsləndirilmişdir. Bu tədbirin nəticəsi kimi hazırlanmış hesabat layihə tərəfdaşlarına, universitet rəhbərliyinə təqdim ediləcək, yeni tələbə təcrübə modelinin işlənməsinə başlanacaqdır. Bundan başqa maraqlı təklifləri, gözləntiləri və yanaşmaları geniş auditoriyaya çatdırmaq üçün məqalənin də çap edilməsi gözlənilir.

Tədbirdə işəgötürənlərin təcrübə keçən tələbələrdən gözləntiləri, tələbələrin təcrübə proqramından gözləntiləri, universitetlərin, şirkətlərin yarada biləcəyi imkanlar və s kimi bir sıra mövzular geniş müzakirə olundu. Müzakirələr əsnasında maraqlı təkliflər, yanaşmalar səsləndi. Bu tədbirin nəticəsi kimi hazırlanmış hesabat layihə tərəfdaşlarına, universitet rəhbərliyinə təqdim ediləcək, yeni tələbə təcrübə modelinin işlənməsinə başlanacaq. Bundan başqa, maraqlı təklifləri, gözləntiləri və yanaşmaları geniş auditoriyaya çatdırmaq üçün məqalə də çap edilməsi gözlənilir.