Xəzər Universitetində oktyabrın 2-də Türkiyə Məzunları ilə birlikdə başlanan “Əsgərə Sovqat” humanitar yardım aksiyası davam edir.

Son hesabatdan sonra görülən işlər haqqında məlumat:

Xəzər Universiteti əməkdaşlarının dəstəyi - 485 manat;

Sumqayıt “Dünya” məktəbi - 945 manat.

Bu məbləğlər Türkiyə Məzunlarının göstərdikləri yardım ilə birlikdə istifadə edilmişdir:

1. Ağcabədi rayonundakı Təchizat İdarəsinə - 500 ədəd papaq, 504 ədəd əlcək, 100 ədəd isti köynək (vodolazka), 20 ədəd powerbank;
2. Yevlax rayonundakkı Təchizat İdarəsinə -20 eded powerbank;
3. Bakıda 6 şəhid ailəsinin hər birinə 200 manat yardım və ziyarət;
4. Şəhid Məzunumuzun ailəsinə 500 manat (Türkiyə Məzunları adına) maddi dəstək;
5. Ağdaş rayonunda 2 şəhid ailəsinə 200 manatlıq yardım paketi və bir əsgər ailəsinə 500 manatlıq yardım;
6. Şəkinin Kiş kəndində 3 əsgər ailəsinə 600 manat yardım;
7. Biləsuvarda 1 şəhid ailəsinə 200 manat yardım;
8. Bakıda 20 yaralıya geyim (311 manat dəyərində);
9. Bakıda bir yaralı əsgər ailəsinə ziyarət ve 200 manat yardım.

Qeyd edirik ki, Xəzər Universitetində başlanan bu aksiya Türkiyədə təhsil almış azərbaycanlı iş adamları, həkimlər, dövlət məmurları, alimlər ve dünyanın müxtəlif ölkələrində yaşayan (Türkiye, Rusiya, Almaniya, ABŞ) məzunlar tərəfindən dəstəkləndi və yardımların həcmi və əhatə dairəsi genişləndi. Hazırda artıq fondun yaradılması və davamlı təqaüdlərin təsis edlməsi istiqamətində iş aparılır.

Xəzər Universiteti çox xeyirxah bir işə vəsilə olduqları üçün universitetin, Sumqayıt “Dünya” məktəbinin kollektivlərinə ve Türkiyə Məzunlarına dərin minnətdarlığını bildirir.

Hər şey VƏTƏN üçün, her şey QƏLƏBƏ üçün! QARABAĞ AZƏRBAYCANDIR!