2020-ci il yanvarın 17-də Xəzər Universitetində Dillər və ədəbiyyatlar departamentinin təşkil etdiyi “Türk dialektlərində sağır nun varlığı” adlı seminar keçirildi. Məruzəçi fil.ü.f.d. İlahə Qurbanlı idi.

Dillər və ədəbiyyatlar departamentinin müdiri fil.ü.f.d. Dilbər Zeynalovanın giriş sözü ilə mövzu haqqında təqdimatından sonra seminar iştirakçıları məruzəçinin “Türk dialektlərində sağır nun varlığı ”adlı mühazirəsini dinlədilər. İlahə Qurbanlı türk ədəbi dilləri və dialektləri, habelə, təsnifatda yer alan bəzi məsələlər haqqında danışdı. Daha sonra o, “sağır nun” səsinin müasir vəziyyəti bağlı geniş məlumat verdi. Bu səsin Türkiyə türkcəsi dialektlərində hazırkı vəziyyətini geniş şəkildə təsvir etdi. Sonda İlahə Qurbanlı seminar iştirakçılarının mülahizələrini dinlədi, verilən sualları cavablandırdı.