Leyla Şıxlinskaya klinikası ilə Xəzər Universiteti arasında anlaşmaya əsasən hər ay klinikanın həkimləri tələbələr arasında zərərli vərdişlər, reproduktiv sağlamlıq və cinsi tərbiyə mövzusunda mühazirə və seminarlar keçirlər. Seminar və mühazirələrdə tələbələrə cinsi yetkinlik, cinsi yolla yayılan xəstəliklər, fərdi gigiyena qaydaları, zərərli vərdişlər haqqında fikirlər aşılanmaq ilə bərabər, gəncliyin fiziki və mənəvi sağlamlığına mənfi təsir göstərən amillərdən biri –bütün dünyanı narahat edən, problemlərdən hesab olunan narkomaniya haqqında da məlumat verilir. Tələbələrə narkomaniyanın dövlətin və cəmiyyətin qarşısında ağrılı bir problem kimi dayandığını bu sahəyə ilə mübarizədə dövlət orqanları ilə yanaşı ictimai təşkilatlar, o cümlədən, qeyri-hökumət təşkilatlarının birgə fəaliyyət göstərməsinin əhəmiyyətli səmərə verəcəyi aşılanılır.