2020-ci il yanvarın 7-də Xəzər Universiteti Siyasi elmlər və fəlsəfə departamentinin müdiri Dr. Elmar Mustafayev Almaniyanın Tübingen Universitetində Azərbaycanın xarici siyasəti mövzusunda mühazirə oxudu. Mühazirədə iştirak edən tələbələr Tübingen Universitetinin magistratura pilləsində təhsil alırlar və bu il Nyu-York şəhərində baş tutacaq Birləşmiş Millətlər Təşkilatı Modelində Azərbaycan nümayəndə heyətini təmsil edəcəklər. Seminarın əsas müzakirəsi “Azərbaycanın balanslaşdırılmış çoxvektorlu xarici siyasəti”, “Ermənistan-Azərbaycan Dağlıq Qarabağ münaqişəsi və münaqişənin regional təhlükəsizliyə təsirləri”, “Azərbaycanın regional və xarici aktorlarla ikitərəfli münasibətləri”, “Şərq Tərəfdaşlığı və Avropa İttifaqı-Azərbaycan münasibətləri”, “Azərbaycanın enerji siyasəti” və “Beynəlxalq nəqliyyat dəhlizi olaraq Azərbaycanın rolu” idi.
Seminar yuxarıda qeyd edilən mövzular ətrafında sual-cavab və müzakirələrlə davam etdi.