2019-cu il dekabrın 27-də Xəzər Universiteti Təhsil departamentinin üç magistr tələbəsinin tezis müdafiəsi keçirildi. Təhsilin idarə edilməsi ixtisası üzrə magistrant Nərmin Elçin qızı Zari “Azərbaycanda sağlamlıq imkanları məhdud uşaqların təhsilinin idarə olunmasında Amerika modeli təklifi” adlı tezisini elmi rəhbər professor Piralı Əliyevin rəhbərliyində uğurla müdafiə etdi.

Pedaqogika tarixi və nəzəriyyəsi ixtisası üzrə dosent Elza Səmədovanın elmi rəhbərliyində Günay Əjdər qızı Qədimova “IX sinif ingilis dili dərsliyində dörd dil bacarığının formalaşdırılması səviyyəsi”, Səbinə İnqilab qızı Aslanova isə “4-cü sinif həyat bilgisi fənn kurikulumunda və dərsliyində dəyərlərin reallaşdırılması səviyyəsi” adlı magistr tezislərini uğurla müdafiə etdilər. Müdafiə prosesinə Tezis müdafiə komissiyasının üzvləri professor Pirali Aliyev, Ph.D Afət Süleymanova, Ph.D Bahman Amani, dosent Elza Səmədli, dosent İsaxan İsaxanlı ilə yanaşı, dosent Ülviyyə Mikayılova (ADA Universiteti), Gülbəniz Camalova (ADU) və Elnurə Əzizova (İlahiyyat İnstitutu) da kənar ekspert və rəyçi olaraq cəlb edilmişdilər.