2019-cu il dekabrın 27-də Xəzər Universiteti İqtisadiyyat və menecment fakültəsinin təşkilatçılığı ilə Turizm Dövlət Agentliyi nümayəndələrinin turizm və otelçilik ixtisasının tələbələri ilə görüşü keçirildi. Görüşün əsas məqsədi tələbələri Turizm Dövlət Agentliyinin fəaliyyəti haqqında məlumatlandırmaq, onların turizmin inkişafı istiqamətində həyata keçiriləcək layihələrdə iştirak imkanlarını nəzərdən keçirmək idi. Görüş zamanı Azərbaycan Dövlət Turizm Agentliyinin Təhsil və təlim sektorunun müdiri Hüseyn Həsənov çıxış edərək, Azərbaycanda turizm sektorunun inkişaf istiqamətləri, mövcud problemlər və onların həlli yolları haqqında ətraflı məlumat verdi. Bundan başqa, Hüseyn Həsənovun çıxışı zamanı, təmsil etdiyi qurumun fəaliyyət göstərdiyi bir il ərzində həyata keçirilən layihələr, görülən işlər qeyd olundu. Daha sonra görüş Turizm Dövlət Agentliyinin nəzdində fəaliyyət göstərən “Turizm Könüllüləri” təşkilatının sədri Hüseyn Məmmədovun təşkilat haqqında təqdimatı ilə davam etdirildi. Təşkilatın tələbələr üçün yaratdığı fürsətlər –təcrübə proqramları, yerli və beynəlxalq layihələrdə iştirak imkanları tələbələrin dərin marağına səbəb oldu.