2019-cu il dekabrın 25-də Xəzər Universiteti Həyat elmləri departamentinin müdiri Asəf Ömərov və departamentin dosenti Cavid Ocaqi Azərbaycan Dövlət Aqrar Universitetində (ADAU) oldular. Səfər zamanı, ADAU-nun rektoru, AMEA-nın müxbir üzvü, professor İbrahim Cəfərov ilə görüş keçirildi, Baytarlıq Təbabəti və Aqronomiya fakültələri, həmçinin, bir sıra kafedralarla tanışlıq oldu. Görüş zamanı ADAU-nun rektoru, İbrahim Cəfərov səfərdən məmnunluğunu bildirərək, əlaqələrin daha da genişləndirilməsinin vacibliyini vurğuladı. Tərəflər universitetlər arasında qarşılıqlı elmi-tədqiqat işlərinin və müştərək layihələrin həyata keçirilməsinin, yerli və beynəlxalq səviyyəli alimlərin təcrübəsindən yararlanılmasının, beynəlxalq və respublika səviyyəli elmi konfrans və sərgilərin birgə təşkilinin əhəmiyyətini vurğuladılar. Sonda Azərbaycan Dövlət Aqrar Universiteti ilə Xəzər Universiteti arasında elm, təhsil və tədqiqat üzrə əməkdaşlıq haqqında memorandum imzalandı.