2019-cu il dekabrın 20-də Azərbaycan Dövlət Pedaqoji Universitetində (ADPU) “Azərbaycan Universitetlərində tədris və təlimin təkmilləşdirilməsi” (PETRA) ERASMUS+ layihəsi çərçivəsində yaradılmış “Təlim-tədris və resurs mərkəzi”nin açılışı olub. Açılışda ADPU-nun rəhbərliyi, Milli ERASMUS+ Ofisinin rəhbəri Pərviz Bağırov və Xəzər Universitetinin İnkişaf Mərkəzinin direktoru Raziyə İsayeva iştirak edib.
Mərkəzin açılışında giriş sözü ilə çıxış edən universitetin rektoru professor Cəfər Cəfərov qonaqları salamlayaraq, mərkəz haqqında məlumat verib və mərkəzə fəaliyyətində uğurlar arzulayıb.
Açılışda qonaqlar Azərbaycan universitetlərinin beynəlxalq layihələrdə uğurlu iştirakından, layihələrin əhəmiyyətindən və əldə olunan nailiyyətlərdən danışaraq, Avropa təcrübəsinin Azərbaycana gətirilməsinin ali təhsil müəssisələrimizdə təhsilin keyfiyyətinə müsbət təsiri olduğunu qeyd ediblər.
Ölkə saytları tədbir haqqında xəbər yaymışlar:
https://azertag.az/xeber/Pedaqoji_Universitetde_Telim_Tedris_ve_Resurs_Merkezi_achilib-1374483