2019-cu il dekabrın 19-da Xəzər Universitetinin rektoru dosent İradə Xəlilova, Həyat elmləri departamentinin müdiri Dr. Asəf Ömərov, universitetin dosenti Cavid Ocaqi və universitetin Magistratura, doktorantura və elmi işlər bölməsinin müdiri Səidə Şərifova Tərəvəzçilik Elmi-Tədqiqat İnstitutuna səfər etdilər. Səfərin əsas məqsədi elmi-tədqiqat sahələrində birgə fəaliyyət, institutun alim və mütəxəssisləri ilə universitetin, müəllim, tələbə heyətləri arasında elmin və təhsil sahəsində əməkdaşlıq və ortaq tədqiqat işlərinin aparılması istiqamətində oldu. Nümayəndə heyəti institutun istixanaları, aqrobiotexnologiya, bitki-mühafizə, funksional analizlər, emal, saxlama və keyfiyyət laboratoriyaları ilə tanış oldular. Səfərin sonunda Xəzər Universiteti ilə Azərbaycan Elmi-Tədqiqat Tərəvəzçilik İnstitutu arasında elm, təhsil və tədqiqat üzrə əməkdaşlıq haqqında müqavilə imzalandı.