2019-cu il dekabrın 18-də Xəzər Universitetinin rektoru dosent İradə Xəlilova Niderland Biznes Akademiyasının rektoru professor Jan van Swieten və Azərbaycan Dillər Universitetinin Rumın dili və Mədəniyyəti Mərkəzinin rəhbəri Dr. Iosefina Blazsani-Batto ilə görüş keçirdi. Görüşdə, həmçinin Xəzər Universiteti Tədris işləri üzrə prorektoru professor Məhəmməd Nuriyev, İnkişaf Mərkəzinin direktoru Raziyə İsayeva, Siyasi elmlər və fəlsəfə departamentinin müdiri Dr. Elmar Mustafayev, Təlim və tədris mərkəzinin direktoru Ülkər Bayramova iştirak edirdilər. Qonaqlarla müzakirələr zamanı universitetlərarası əlaqələrin inkişaf etdirilməsi və yeni əməkdaşlıqların qurulması məsələlərinə toxunuldu. Niderland Biznes Akademiyasının koordinatoru və Xəzər Universitetinin iştirakçı olduğu “Mediasiya: öyrənmə və ictimai transformasiya” (MEDİATS) layihəsi də müzakirə edildi və layihə çərçivəsində Xəzər Universiteti əməkdaşlarına təlimlərin keçirilməsi məsələləri müzakirə olundu, layihə çərçivəsində tanıtım konfranslarının və seminarların keçirilməsi planlaşdırıldı.