2019-cu il dekabrın 18-də Karyera inkişaf mərkəzinin təşkilatçılığı ilə “Bodrum Lujo” otelin nümayəndələri Xəzər Universiteti İqtisadiyyat və menecment fakültəsinin tələbələri ilə görüşdülər. Otelin tələbələr üçün təcrübə və iş imkanları mövzusunda təqdimatı oldu. Təqdimatı otelin Satış və marketinq mütəxəssisi Fuad Babayev və İnsan resursları mütəxəssisi Aynur Əliməmmədova etdilər. Təqdimat zamanı otelin strategiyası, turistlər üçün təqdim olunan xidmətləri və şəxsi heyət üçün dəyərləri vurğulandı. Qeyd edildi ki, bacarığına və qabiliyyətinə görə hər bir işçinin karyerada yüksəlmək imkanlarını otelin ana xəttini təşkil edir. Otel olaraq, 2020-ci ildən başlayaraq, tələbələrin bu təcrübə proqramında aktiv iştirak etmələri vurğulandı. Sonda tələbələrin sualları cavablandırıldı.