2019-cu il dekabrın 16-da Xəzər Universitetində Psixologiya departamentinin müəllimi və doktorantı Nilufər Əlizadənin təşkilatçılığı ilə “Əlilliyi olan şəxslərin sosial cəmiyyətə inteqrasiyası” adlı tədbir baş tutdu. Tədbirin spikeri kimi çıxış edən jurnalist, “Qayğı” Sağlam Nəsil Naminə İctimai Birliyinin PR meneceri, ADU-nun SABAH qruplarının müəllimi, “Yel kürəsinin şahzadəsi” adlı best-sellerin müəllifi Xülya Cəfərova müasir dövrdə KİV-in əlilliyi olan şəxslərin inteqrasiyasında rolundan, xarici modellərin praktikada istifadə olunmasından, Azərbaycanda mövcud problemlərdən və reformlardan danışdı. Tələbələrin marağına səbəb olan mövzunu daha sonra bu sahədə aktiv fəaliyyəti olan və öz keçdiyi təcrübələri gənclər ilə bölüşən Xanlar Məmmədov davam etdirdi. Tələbələrə fiziki məhdudiyyətinin olmasına baxmayaraq, indiyə qədər əldə etdiyi uğurlar haqqında məlumat verdi.