2019-cu il dekabrın 6-dan 13-dək Latviyanın Turiba Universitetində Niderland Biznes Akademiyasının koordinatoru olduğu “Mediasiya: öyrənmə və ictimai transformasiya” (MEDIATS) layihəsi çərçivəsində tərəfdaş universitetlərlə birlikdə idarəetmə görüşü və təlimlər keçirildi. Tədbirdə Xəzər Universitetindən Siyasi elmlər və fəlsəfə departamentinin müdiri Dr. Elmar Mustafayev, Təlim-tədris mərkəzinin direktoru Ülkər Bayramova, Psixologiya departamentinin rəhbəri Mələk Kərimova, Beynəlxalq əlaqələr ofisinin koordinatoru Lamiyə Pənahova, Psixologiya departamentinin müəllimi Nilufər Əlizadə iştirak edirdilər.
10 tərəfdaş universitetdən (Azərbaycan, Gürcüstan, Ukrayna, Hollandiya, İspaniya və Latviya) 40-a yaxın nümayəndə üçün praktik mediatorluq təlimləri keçirildi. Tədbir zamanı, həmçinin, layihənin idarəetmə görüşü keçirildi, indiyə qədər görülmüş işlər haqqında hesabatlar dinlənildi, layihədə qarşıda duran məsələlər, növbəti görüşlərin və təlimlərin vaxtı müzakirə edildi.