2019-cu il noyabrın 28-də Azərbaycan Dövlət İqtisad Universitetində (UNEC), respublikada ilk dəfə olaraq, Universitetlərarası 1-ci Kitabxana Forumu keçirildi. Tədbirdə Təhsil Nazirliyi və Mədəniyyət Nazirliyinin nümayəndələri, ali məktəb rektorları, millət vəkilləri, aparıcı kitabxanaların rəhbərləri və digər qonaqlar iştirak etdilər. Konfransda Azərbaycanda kitabxana işinin inkişafı ilə bağlı faydalı fikirlər və müzakirələr oldu.
Konfransdan sonra UNEC-in 1 saylı Oxu zalının açılışı oldu. Qonaqlara UNEC-in 24/7 kitabxanası ilə tanışlıq imkanı verildi. Forumun davamında ali təhsil müəssisələrinin kitabxanalarının XXI əsrdə qarşılaşdıqları əsas problemlər, perspektivlər və hədəflər ətrafında diskussiyalar aparıldı. Forumda Xəzər Universiteti Kitabxana-İnformasiya Mərkəzinin direktoru Tatyana Zaytseva və direktor müavini Aytac Misgərli də iştirak edirdilər.